الذكاء الاصطناعي في المذاكرة
🤖 الاستفادة من أدوات الذكاء الاصطناعي في المذاكرة
طبعًا أكيد هالأيام أو الفترة بتستعملون أدوات الذكاء الاصطناعي، إما تساعدكم في الواجبات أو مهام عادية بشكل عام.
اتعلموا كيف تستخدموه بالطريقة الصحيحة، اقرأوا عن شي اسمه Prompting
يعني بدل ما تقوله:
اشرح لي هالفقره
قوله:
اشرح لي هالفقرة بصيغة سهلة للفهم ويكون الشرح تحت ٥٠ كلمة.
أنت كذا خليته يبسط الشرح بدل ما يهبد فالشرح.
📌 نقطة مهمة
عندي نقطة مهمة ودي أمنشنها لكم، حاولوا بقدر الإمكان ما تعتمدون اعتماد كامل على الخصوصيين.
ليه؟
لأن الاعتماد على النفس مهم، ولو وصلتوا سنة ثاني / ثالث بتجيكم مواد جديدة وصعبة وما راح تلقون لها خصوصيين بسهولة، أو نادرًا تلقون واحد فعلًا ممتاز فيها.
مصادر تعليمية قوية
الحين في مصادر تعليمية قوية، وأولهم: Gemini و ChatGPT.
(عندكم اليوتيوب، وفي مبادرة منار تشرح اغلب المواد الي ياخذونها السنة الاولى والخ.)
💎 Gemini Pro
يمديك ترفق محاضراتك وحدة وحدة وهو يشرح لك من خاصية help me learn / ساعدني في التعلم.
يشرح لك بالتفصيل، ويختبرك في كل سلايدات الدرس، ويتأكد إنك فهمت الفكرة.
ولو غلطت يعطيك أمثلة زيادة، وممكن يشرح لك بطريقة ثانية.
برضو في الكويزات عندكم، يسوي لكم اختبار محاكي من نفس محتوى المحاضرة.
ترا Gemini يعتبر أدق في قراءة الصور والكلام واستخراجه مقارنة بشات.
✨ حركة ذكية
في حركة حلوة دايم اعتمدوها لمن تاخذون إجابات منه أو من شات جي بي تي.
ضيفوا هذي الجملة دايم في نهاية كل سؤال أو طلب:
قبل تقديم الإجابة، راجع خطواتك كاملة وتأكد من خلوها من أي خطأ منطقي أو حسابي.
💡 ChatGPT
مفيد، لكن لا تعتمدون عليه بشكل كامل.
استخراج المعلومات من الصور (أقل دقة من Gemini)
الشرح أحيانًا يكون غير مرتب أو فيه لخبطة
بالنسبة لفوائده: ممكن يرتب لك مهامك ويسوي لك خطط دراسية مرتب