التجربة 4

اهلا وسهلا جميعا ☝🏻✨

خلصت أول سنة في هندسة البرمجيات، وصراحة كانت من أجمل السنوات بالنسبة لي. دخلت التخصص وأنا متحمس، والحمدلله طلع قد التوقعات وزياده بعد

الترم الأول كان لطيف كبداية، والمقررات زي برمجة جافا والمنطق الرقمي كانت بسيطه بس، ذاكروااااا أول بأول تقدر ترفع معدلك بكل سهولة بسببه

أما الترم الثاني هنا يبدأ الجد أكثر، خصوصًا مع مواد زي الهياكل الحسابية اللي تعتمد بشكل كبير على المنطق وطريقة تفكيرك في حل المسائل، وOOP اللي كانت ممتعة لأنك تطبق وتسوي مشروع متكامل حاولوا كلكم تخلصوا عالوقت عشانها دسمه ولها مراحل. أما أسس هندسة البرمجيات فتعطيك فكرة عن التخصص وكيف تشتغل المشاريع البرمجية، وصراحة هي أشياء بتفيدك كثير وبتشوفها قدامك سواء في المواد الجاية أو سوق العمل.

بشكل عام، شد حيلك من البداية ولا تأجل، لأنك كل ما دخلت أكثر في التخصص بتحس بمتعة أكبر.