التجربة 2-3

التجربة 2

تجربتي في السنة الأولى (علم بيانات) باختصار: أول شيء ترى المثالية مو موجودة بالواقع، والدراسة تبي صبر وتعب وما فيه شيء يجي بالساهل، وهذي أهم نقاط تمنيت أحد ينبهني عليها:

١- امسكوا المادة أول بأول: أهم شيء لا تراكمون، وابعدوا عن فخ "بذاكر بالويكند". 

٢- احذروا الجوال: مسكة الجوال في أوقات الفراغ البسيطة تسرق اليوم كامل بدون ما تحسون.

3- خصصوا لكم وقت راحة بيومكم: مثل (ورد قرآن، قهوة، جلسة مع أهلكم).. الجد المستمر بدون تغيير جو يخليكم تكرهون الدراسة.

وبالتوفيق يارب الله يبلغكم ما تتمنون وييسر أموركم، الله الله في صلاتكم لا تأخرونها وكمان الوتررر ركعة او ثلاث قبل تنامون يفتح لكم ربي أبواب الخير كله بإذن الله 💓💓.

التجربة 3

كأول سنة لي في الجامعة ممتعة لكن البداية هي الضياع وذا شيء طبيعي لأنه شيء جديد اما لما تتعودوا بيصير كل شيء حلو .

بالنسبه للمذاكرة فكل واحد يذاكر بالطريقة اللي تناسبه اما بالنسبة لي فاضطر أبدا بالمادة بدري واعطي كل مادة مدة ويعتمد على فهمي وقدرتي في المادة واذا كانت مادة صعبة او جديدة عليكم من مفاهيم فافضل تروحون مع خصوصي .

ولكن الأهم من ذا الكلام كله التوكل على الله والرضا بالنتيجة وتذكير نفسكم بأنكم مسؤولون على السعي فقط وليس النتيجة❤️‍🩹.